| Profil von DigiplanetHanG~!之國土-------未來的那個夜晚,...FotosBlogListen |  Extras  Hilfe |
|
HanG~!之國土-------未來的那個夜晚,The night after Tomorrow...一個未來則是你的目標...你要讓它實現,就要好好的去實淺 ... 10 September 香港玩樂一星期~!Lee幾日去左好多地方....
星期六 下午去左深水步。之後返天水圍取車， 直出尖嘴西九海濱join 人， 之後大家一齊去了西貢食糖水, 我因為大餓，所以叫左碗雜果河粉!? 之後就遊左去大浦海旁, 吹了個零鐘水之後就散水走人。  星期日 訓到一點起身， 本來想入機場接朋友，但係久久未收到回覆， 出荃灣接人 之後又出西九影夜景~ 返到屋上TVB.com睇"絕代商驕"大結局。。 咁又一日....  星期一 訓到下晏三點！ 飛車上大陸買野， 八點落返天水圍車 Alex出美孚, 之後同班中學同學食糖水,食完來一個青衣環島遊 ：） 荃灣--->天水圍....  星期二 訓到一點.. 出門第一件事.....->入油 食兩點的吉野家下午茶， 去元朗接人一起去我們今日的郊遊地點-----下白泥！ 去到，玩蟹仔，影日落~ 之後去沙田行宜家同食飯~又一日.....  星期三 因為約了去貝澳， 所以今日早D起身~ 11：30~~ 去到東涌1點, 食野！ 乘巴士入貝澳海灘，同陽光玩遊戲~ Yeah! 玩到日落西山後就走人。 去荃灣鋸扒! 正呀!  星期四 訓到十二點，出荃灣再去尖沙嘴， 再返荃灣之後入機場..... 天水圍----＞深水步----＞上環 Finally-----> 澳門是也~~ 玩了足足六日！  係時候做返幾日野了~ 06 Juli 車 - 男人的大玩具, (付 - 用車的支出)車 - 向來都是男人的大玩具
我從少已經很喜歡車, 以前打GAME 只會打 Need for Speed, 頭文字d... 19歲時考o左個車牌,是私家車,棍波!(PS.我不是考貨van,因那時已立志要買跑車!) 21歲時考了棍波電單車! 在澳門有自己的電單車~ 以前日日都騎住佢返學, 有車的生活跟沒有車的生活完全是兩回事, 隨意駕車四處去， 一接到朋友電話就立即跳上車進入自己的國度， 訓唔著就凌晨駕車去兜兜風!   車 - 在澳門給我的感覺就是自由!省錢!省時間! 而家有機會在香港買車, 本來真係想出部Benz 新 C仔,上會供! 但金融海嘯之後,我部新車的首期就被海嘯沖走o左... 心想: 唔沖都沖走o左咁多,而家無錢都要買架車返黎玩下! 而我買車的重點就係........型!  BMW 3系單門 講求有型的Coupe,18"跑鈴 Good: 車形線條比4門靚好多,跑車味道更濃! Bad : 比Benz更大食,保養貴到你怕.... 還記得呀KEN 細老在我買之前叫我三思: KEN 細老 :"你係咪真係咁鍾意LEE部車?你可以搵部平D嫁4門.." ME :"咁你覺得4門同單門邊部型D?" KEN 細老 :"單門型好多!" 就係咁...我在完全沒有考慮省錢的情況下而買了,就因為佢實在太型了....哈  雖說嘴裏常常嚷，坐計程車其實一樣方便,而且更省錢, 但自己擁有一部車的自由與瀟灑, 卻是任何東西都無法比擬的... 我都係用佢黎代下步~ 出下去玩呀, 飲飲食食同買下野.... 條數都真係好襟計! 以下是我自己用車的支出, 給想買車的人仕參考... 牌費..$5800=1年 ($483/月) 保險..$3000=1年 ($250/月) 泊車..$1000 (月)屋企車位 , 出面泊大約1個月..$600 油錢..$2500-3000 (月)(我LEE嫁車超大食..) 洗車,打蠟.. $200(月) 抄牌.. 抄車就$320 抄人就$450 (我兩樣都試過 =____=) 剩番嗰D就係維修保養,呢D話唔埋喎,可大可小 正常維修保養 機油$500 波箱油$1200 換火咀 風格 煞車皮 $2000 車呔約$500條 x4 自己撞花自己架車 或 撞到人地架車 由幾百到幾千不等.... 仲要唔好去個d汽車精品店 唔係就會大出血... 唔計買車錢, 平均一個月最少要用$6000養車.....(記住!Lee個真係最少數....>.<") 聽人話養日本車會平好多,但為了"型"!無計啦~ 但不要以為有車的時間比較好用.... 因為你唔可以係放低部車, 而係要泊低部車.... 那時候.... 你就會覺得有佢真係想"放便"都唔得.... 你"急"都無用... 唔該你泊低部車先啦! =______= 車 - 在香港給我的感覺就是養佢一年就要$7萬2千!What the.....! 所以要快 D 買部更貴,更快的車,咁養落去都覺得低 D ! 講到尾都係要付出先有收穫的! 互勉之! 01 Juli 賣龜的故事之半島總要到一次.....由於我睇住 Ray 哥點靠 spider 龜發達
"Spider 龜o既故事......" http://www.facebook.com/note.php?note_id=99155354236 正所謂一粒龜痣。羽毛鱗翅 阿 Ray 從此就食盡山珍海味過盡悠長假期 見佢而家o的生活過得咁梳乎 咁我當然要有樣學樣啦~ 人賣龜我賣龜, 不過可以係邊度搵龜賣呢? 我唔想再欠黃牛陳人情, 唯有獨自尋龜去 尋o下尋o下, 由鰂魚涌尋到去東涌 “嘟”到八達通都負晒錢 當我尋到心有餘悸心灰意冷心存僥倖諗住去海皮散心 就咁俾我見到神犬拉西!!!!!!!!  我點知佢係神犬呢?? 咪就係佢自爆囉~ 佢話靠聽“笑談廣東話” 先得咁流利 而近期最潮就係學埋 “撚太撚” 啦 "古天樂港式普通話YOKOHAMA輪胎廣告" http://www.youtube.com/watch?v=Xx_XBHSigv4 同佢吹吹o下水, 佢問有冇o野幫到我 我就將咁耐以o黎o既遭遇講俾佢聽 佢覺得我好可憐, 就老點條路俾我行 我行o左兩步半就見到……….  我見佢咁健碩心廣體胖兼身心康泰 梗係即刻拖佢埋牆, 同佢影埋沙龍 放上 eBay, 再加o的 “跌喼唇” 話佢個殼可以防手榴蛋核蛋炸蛋蠢蛋壞蛋雞蛋鴨蛋咸蛋皮蛋仲識生金蛋添!!  Post o左上去唔夠三秒, 就即刻有人落 bid 我見果個人o既 eBay account 係杜拜註冊 係得杜拜, o的人非富則貴, 今次我仲唔發??? 個買家話想面交, 同我以物易物 仲話會拎法拉利同我換  有聽過 “別針換大屋” 呢個 eBay真人真事 我抱住一試無仿o既心盡地一鋪!!!!!!! 條友仔真係好串, 佢竟然搭430穿梭機o黎 約o左我半個鐘後係半島等 我上次果套老西又派上用場啦!!!!!  "我的白領生活.... " http://www.facebook.com/note.php?note_id=35793054236 但係, 問題又o黎啦, 係我八達通負錢o既情況下 我又冇錢….. 點係東涌海皮趕去半島呢? 說時遲那時快, 拉西已經借o左四條 “撚太撚, 者能撚太” 當然可以 “桶樣多的油涼, 卻撚比以前跑得更遠” 好彩, 以我o既技術, 早o左15秒到 係大門口放低四個 “撚太” 俾泊車仔 佢o地不禁異口同聲以既羨慕又妒忌o既口吻話 呢堆咪係 “先kai花的姐撚卵 tie” ? 我趕住發達, 都費時講咁多, 放低隻龜俾 porter 上到一樓, 見到個滿面鬍鬚頭包紙巾兩眼發光o既男人 “are u the turtle owner? Let’s trade!”  佢二話不說俾張紙我簽, 之後大家交換 “行李牌”  之後就閃電咁快咬住個包搭 530洗衣機走人 我問個 waiter 其實佢係阿水 “佢你都唔識, 咪就係杜拜油王 “桶樣多”!   我俾o左個行李牌porter 諗住有得拎法拉利車匙  點知佢竟然拉o左三隻駱駝過o黎 佢o地o既叫聲聽落同法拉利引擎一模一樣 原來所謂o既法拉利分別係三隻叫 “阿法 Fer” “阿拉 Ra” “阿里 Ri” 夾埋就係 “Ferrari”………  無奈o既我, 唯有拖住三隻駱駝去拎返果四條 “姐撚撚太” 唔通我要拎呢三隻駱駝去晒??????????????????  (to be continued……) P.S. 特別鳴謝 Carol 名其巨龜 Pinky 為此提供靈感 Spider 龜o既故事......話說好多忠心耿耿忠厚老實忠孝兩全o既長期讀者都問我
"點解我呢幾個月都冇新作面世呢?" 自從除夕果晚我過o左去澳門搵食,  問阿黃牛陳借張金光飛航o既船飛, 以狗出十三龜連本帶利俾我, "2008除夕夜,MGM "銀色椰殼"索女,舞男之旅~!" http://www.facebook.com/home.php?#/note.php?note_id=42207054236 我又真係有借有還咁俾返十三隻龜佢, 再一度證明我係真君子, 品格高尚, 破o左橙o既只係我銀包, 與人格冇關! 又有人問我 "咁果第十四隻龜o既下落呢?" 上次行行o下街, 見到有個好眼熟o既人, 原來佢係我大學同學, 阿Ray哥......  既然大家畢o左業幾百日後又見返, 心裡突然湧出一種感動... "此時此刻, 吾將此龜贈予汝 汝當誓死保護, 傳其畢生所學也!"  點知即使 Ray 哥不眠不休日教夜教, 隻龜都學唔到 "二乾囉覓"(Economic) 同 "媽夾停"(Marketing) o既真粹... 好o既唔學衰o既就學到足, 晚晚掛住睇電視, 不過佢好鬼串, 淨係睇明珠台, 仲學埋 PrisonBreak 咁諗住 "逃"!  自此, 佢就晚晚苦練神巧, 諗住由間主人房逃到隔離房... (真係好遠 bor....Orz)  佢仲學埋自我催眠, 自認做 "spider 龜"..... 呀 Ray 今次真係服左佢.... 點知阿 Ray 太高大威猛, 仲猛過威猛先生, 隻龜爬極牆都過唔過阿 Ray o既十隻腳指,  但阿 Ray 深知隻龜終有一日都會逃走成功.... 最後, 阿 Ray 都係迫於無耐將 spider 龜擺上 eBay 放 bid  風水輪流轉, 估唔到 spider 龜自此爬出香港, 俾荷里活著名導演睇中以天價落bid! (名稱不便在此透露) 話會搵佢去拍 "珠羅龜咁遠"  因為唔包 shipping, 阿 Ray 要 spider 龜游去美國, 而家, 我諗佢應該游到到上海, 搵緊下海係邊....  (咁其實 spider 龜o既事又關我咩事呢?? 下集分曉) (To Be Continue....) 22 April 榕樹頭講故仔....故仔一:
一只小豬、一只綿羊和一頭乳牛，被關在同一個畜欄里。有一次，牧人捉住小豬，牠大聲
號叫，猛烈地抗拒。綿羊和乳牛討厭牠的號叫，便說：「他常常捉我們，我們並不大呼小叫。 小豬聽了回答道：「捉你們和捉我完全是兩回事，他捉你們，只是要你們的毛和乳汁，但是捉 住我，卻是要我的命呢! 立場不同、所處環境不同的人，很難了解對方的感受；因此對別人的失意、挫折、傷痛， 不宜幸災樂禍，而應要有關懷、了解的心情。要有寬容的心！
故仔二:
小蝸牛問媽媽：為什么我們從生下來，就要背負這個又硬又重的殼呢？ 媽媽：因為我們的身體沒有骨骼的支撐，只能爬，又爬不快。所以要這個殼的保護！ 小蝸牛：毛蟲姊姊沒有骨頭，也爬不快，為什么她卻不用背這個又硬又重的殼呢？ 媽媽：因為毛蟲姊姊能變成蝴蝶，天空會保護她啊。 小蝸牛：可是蚯蚓弟弟也沒骨頭爬不快，也不會變成蝴蝶他什么不背這個又硬又重的殼呢？ 媽媽：因為蚯蚓弟弟會鑽土,大地會保護他啊。 小蝸牛哭了起來：我們好可憐，天空不保護，大地也不保護。 蝸牛媽媽安慰他：「所以我們有殼啊！」 我們不靠天，也不靠地，我們靠自己。 故仔三:
有個老人在河邊釣魚，一個小孩走過去看他釣魚，老人技巧純熟，所以沒多久就釣上了滿簍的魚，
老人見小孩很可愛，要把整簍的魚送給他，小孩搖搖頭，老人驚異的問道：「你為何不要？」
小孩回答：「我想要你手中的釣竿。」老人問：「你要釣竿做什么？」小孩說：
「這簍魚沒多久就吃完了，要是我有釣竿，我就可以自己釣，一輩子也吃不完。」 我想你一定會說：好聰明的小孩。錯了，他如果只要釣竿，那他一條魚也吃不到。因為， 他不懂釣魚的技巧，光有魚竿是沒用的，因為釣魚重要的不在“釣竿”，而在“釣技”。 有太多人認為自己擁有了人生道上的釣竿，再也無懼于路上的風雨，如此，難免會跌倒于 泥濘地上。就如小孩看老人，以為只要有釣竿就有吃不完的魚，像職員看老板，以為只要坐在 辦公室，就有滾進的財源。 何鴻燊回應.........福布斯日前公布何鴻燊身家蒸發九成。就福布斯的報道，何鴻燊回應稱：「身家是自己一個知，其他人不會知我有幾多身家，其他人話我跌了100（100%）都得！」 何鴻燊又說：「…叫我捐錢時就不用捐這麼多，想綁票我的人亦不用再想，我都無錢。」當記者再追問他是否身家縮水時，他說﹕「我們的賭場每日都好像印銀紙一樣，無法子窮。」對於澳博股價大跌，他說﹕「無影響，澳博上市，我拿了『啲咁多』錢出來，我身家咁大，『啲咁多』錢，輸晒又點？」他又指澳博的主要資金在澳門及外國，香港上市的只是一小部分，「唔好話股價由3元跌至1元多，即使跌至一毫子亦無問題」。 精警麼？大股東只把少部分股權供香港公眾投資者買入，股價下跌大股東無影響咁滯？公司實質營運是不受影響，是否資本負債比率不受影響就無大礙？
|
|
||||
Private Nachricht senden
RSS-Feed abonnieren
Weiterempfehlen
Zu My MSN hinzufügen
Zu Ihrem Netzwerk hinzufügen
Für Benachrichtigungen registrieren|
|
